సరళం

కొన్ని పదాలతో మిన్నార్ధామే కవితయితే
పసివాణ్ణి మించిన భావుకుడెవరు
శ్రోత మనోరంజనమే గానమయితే
తల్లిని మించిన గాయకులెవరు
లక్ష్యం సాధించిన సరళమయిన మిన్న
అది సాధించని ఘన సాదనాలేలా?

శూన్యం

ఈ విశాల శూన్యం నీకు
భూమినిచ్చింది,
భూమిలో చెట్టునిచ్చింది,
చెట్టుపై కాయనిచ్చింది,
భూమిలో గనులూ, గనులలో మణులూ,
గనులు మణులతో సిరుల నిచ్చింది,
గాలినిచ్చింది, నీరునిచ్చింది, నిప్పునిచ్చింది,
వీటన్నిటితో నీకు బతుకునిచ్చింది
యిన్నిటినిచ్చిన  శూన్యాన్ని
ఇంకా యేమి అడగ గలవు!
నీతిగా బ్రతకటం తప్ప!!

దైవం

దేవునిలొ దైవం వెతుకు
పూజలొ పుణ్యం వెతుకు
ఆచరణలో ఔనతయ్యం వెతుకు
కానరాని స్వర్గమునకై
కనుచూపు మేర నరకం సృష్టించకు

మతము - శాస్త్రము

శాస్త్రంలో మతం వెతుకకు

మతంతో శాస్త్రం నిరూపించకు

రహస్యాన్ని చేదించ శాస్త్రము

మనిషిని నడిపించ మతము

మతములోని శాస్త్రం మూఢము

అంతా మనుజులే, పర ప్రాంత పలాయినులే

ర్యలుగా వెళ్ళి అర్యులుగా తిరిగి వచ్చినా
బానిసలు యూథులుగా మారినా
యూథుని బిడ్డ క్రీస్తు అయినా
క్రీస్తూని  నమ్మిన క్రైస్తవులయినా
బుద్ధునిగా మారిన గౌతముడయినా
ఆతనిని నమ్మిన బౌధికూలయినా
ప్రవక్తయినా మహమ్మదు అయినా
ఆతనిని నమ్మిన మహమ్మదీయులయినా
అంతా మనుష్యులే, అందరూ
పర ప్రాంత పలాయినులే 

కంచి దాటిన మధుర కధనం

రావణ వధ వరకు, రామం రమణీయం.
అయోద్యపతి అయిన రఘుపతి,
అదోగతినొందిన సీతాపతి.
జననం, గమ్యం పిదప మోక్షం.
అటు పిమ్మట కల్పమయిన
అది కంచి దాటిన మధుర కధనం.
రామావతారం కధాకధనం నేర్పినదిది.  

నీరు

నీరమై మేఘమై
తొలకరి చినుకునై
కట్ట వెనుక నీటినై
అది తెంచిన వరదనై
నేలలో కలిసిన బురదనై
దాహమై, దేహమై
వేదమై, సేధ్యమై
నీ జీవితాన ప్రతి అడుగు నేనే
నా మరణానికి ప్రతి రుజువు నీవే